Kynning á frambjóðendum forvals - Vinstri græn - Norðausturkjördæmi

Skrifstofa Vinstri grænna í Norðaustukjördæmi er að Geislagötu 7 á Akureyri og er opin alla virka daga klukkan 10-16. Síminn er 462 3463.

Norðausturkjördæmi heldur forval til að velja á lista fyrir komandi alþingiskosningar. Ýmist er hægt að kjósa á kjörfundi eða með póstkosningu. Kosningarétt hafa allir félagar í VGNA sem skráðir eru í félagið 23. febrúar.

Kjörfundur

Kjörfundur verður haldinn 28. febrúar 2009 að Geislagötu 7 á Akureyri, og að Kaupvangi 5 á Egilsstöðum kl. 10:00 – 22:00. Á hverjum kjörstað skal heimilt að kjósa utan kjörfundar og geta félagsmenn VGNA því valið sér hvern þessara kjörstaða sem er hvar sem þeir búa í kjördæminu.

Póstkosning

Allir félagar fá sendan kynningarbækling og atkvæðaseðill sem hægt er að nýta í póstkosningu. Á atkvæðaseðilinn merkir þú, í samræmi við forvalsreglurnar, við þá frambjóðendur er þú vilt sjá á framboðslista VG í komandi alþingiskosningum. Eftir að hafa fyllt út atkvæðaseðillinn setur þú hann í hvíta umslagið (merkt þér) sem fylgir og setur það svo aftur í brúna umslagið (merkt Vinstrihreyfingunni grænu framboði) og póstleggur það. Póstburðargjaldið er greitt af flokknum.

 

SJÁ KYNNINGARBÆKLING UM FRAMBJÓÐENDUR (PDF)

Athugasemdir

[Ási Pálma (IP-tala skráð) 21.2.2009 kl. 00:25]

 

 

Bjarkey ef þetta er ekki rétt svar við gátuni hér að neðan , þá verður þú að gefa mér það upp áður en ég reiti það littla hár sem eftir er á höfði mínu.

 

 

Ráða yfir ríki hér,                                           

rétt að nefna hægri kant.                                

Stendur vakt og stýra ber,                              

stillir beislið upp í trant.

 

Rikisstjórn

hægristjórn

skipstjórn 

taumstjórn

fynnst það samt ekki passa 

 

Sendi aðra gátu eftir meistara Jón Árnason Syðri-Á

 

Margur hlaut af brákuð bein, 

Björg af sauðum mesta.

Lék við sjávar svala hlein,

situr í skóla um flesta.

 

 

 

[Bjarkey (IP-tala skráð) 21.2.2009 kl. 12:44]

Já Ási ekki vil ég að þú klárir hárið enda ert þú búinn að ráða gátuna.

ríkisstjórn                    

Stjórn, stjórnborði

að stjórna eða stýra

Vald eða taumhald, stjórnartaumar

 

Nú þarf ég aðeins að skoða þessa frá Jóni.

kv. Bjarkey

[Ási Pálma (IP-tala skráð) 21.2.2009 kl. 14:19]

Nú get ég andað léttar. """""Þetta er það sem bloggarar eiga að gera

koma með gátur á sína síðu. MEIRA AF GÁTUM......

kv 

Ási P