Á tímum skynsemi

Hérna í den man ég eftir því að eitthvað þessu svipað átti sér stað þar sem ég bjó í litlu plássi úti á landi. Ég er eiginlega svo undrandi á tímum upplýsingar og brjálaðrar umferðar að fólk skuli enn gera svona hluti.

Það hefur líka sést að börn séu sitjandi á pallbílum með fæturna hangandi niður og finnst mér það athæfi líka ábyrgðarlaust.

Alveg merkilegt hvað oft gleymist að hugsa alla leið og muna að það sem getur komið fyrir aðra getur líka komið fyrir mig.

Bílstjórar með börn á sleðum í eftirdragi

Frábært framtak hjá Spánverjunum

Það er ánægjulegt að lesa að borgaryfirvöld í Madrid skuli standa við það bann er sett var í september. Það hefði verið svo auðvelt að skýla sér á bak við öll þau mótmæli sem fram komu síðast og hætta við allt saman.

En gott hjá þeim. Átröskun er svo greinilega almennt vandamál hjá fyrirsætum og má velta því fyrir sér hvort þær/þeir eru ekki miklu fleiri hér áður fyrr sem dóu vegna þessa sjúkdóms sem þá var ekki talað um.

Mér þykir nú stuðulinn vera svakalega lár samt sem áður þar sem (BMI) sem krafist er er einungis 18 samsvarar 56 kg miðað við 1,75 m hæð. Ég hef nú talist vera nokkuð nett ein 53 kg og 1,58 m á hæð. Hvað þá ef ég bætti við mig einum 17 sentimetrum.

Of mögrum fyrirsætum aftur meinað að sýna í Madríd

Stjórnarfundur

Við í stjórn kjördæmisráðs Vinstri grænna héldum fund í dag að Hótel Seli í Mývatnssveit. Það var mikið um að vera í Mývatnssveitinni eins og heyrst hefur í fjölmiðlum og Spaugstofan kom aldeilis vel inná í kvöld.

Það eru misjafnar aðferðir manna við að ná í tiltekinn "stól" á lista flokka. Einhverjir Framsóknarmenn eiga greinilega svoldinn slatta af aurum og vildu kaupa sér sæti.  Sem betur fer hafa þeir sett um gleraugu sem ekki skyggja á siðferðishugsanir.

Tilgangur þessa funds VG-kjördæmisstjórnar var að leggja línurnar fyrir komandi kosningar og velta upp hugmyndum með efstu frambjóðendum um hvernig haga skuli baráttunni. Svo voru að sjálfsögðu þessi praktísku mál rædd sem alltaf þarf að gera í kringum kosningar.

Alla vega þá var þetta fínn fundur og góðar umræður.

Framundan hjá mér er flokkráðsfundur um næstu helgi og 10. febrúar ákvað svo stjórn kjördæmisráðs að hittast aftur og fínpússa ýmsar áætlanir.

Mikið um að vera á næstunni hjá VG

Starf og kosningabarátta Vinstri grænna á nýju ári hefst með opnum fundum í öllum kjördæmum landsins. Á fundunum verður rætt um stjórnmál líðandi stundar og kosningarnar framundan. Steingrímur J. Sigfússon formaður og Katrín Jakobsdóttir varaformaður mæta á fundina auk frambjóðenda í kjördæmunum. Búast má við fjörlegum umræðum og félagar eru hvattir til að fjölmenna.   

Fyrsti fundur formanns og varaformanns á yfirreið um landið verður haldinn í Reykjanesbæ, sunnudagskvöldið 7. janúar kl. 20 á Ránni. Þar mæta og flytja ávörp: Steingrímur, formaður, Katrín, varaformaður og þrír efstu frambjóðendurnir í Suðurkjördæmi, þau Atli Gíslason, Alma Jóhannsdóttir og Ragnheiður Eiríksdóttir. 

Þá liggur leiðin til Akraness og verður fundurinn haldinn mánudagskvöldið 8. janúar kl. 20 í Hvíta húsinu, Skólabraut 9. Auk Steingríms og Katrínar munu frambjóðendur í Norðvesturkjördæmi þau Jón Bjarnason og Rún Halldórsdóttir flytja ávörp.

Á Akureyri verður fundurinn haldinn á fimmtudagkvöldið 11. janúar kl. 20 á Hótel KEA. Auk Steingríms og Katrínar munu Þuríður Backman þingmaður, Jón Erlendsson formaður VG á Akureyri og Dýrleif Skjóldal frambjóðandi flytja ávörp og setja tóninn fyrir komandi kosningar. 

Hafnarfjörður mun halda sinn fund miðvikudagskvöldið 17. janúar kl. 20 í Samkomusal Hauka, Ásvöllum Ögmundur Jónasson alþingsmaður og Guðfríður Lilja Grétarsdóttir frambjóðandi ásamt Steingrími og Katrínu mun flytja ávörp og svara spurningum. 

Yfirreiðin endar í Reykjavík með fundi í húsnæði VG að Suðurgötu 3, mánudagskvöldið 22. janúar kl. 20. Frambjóðendur í efstu sætum beggja listanna ásamt Steingrími munu flytja ávörp og svara spurningum.

Gott framtak hjá nýjum meirihluta í Árborg

Þetta er eitthvað sem bæjarstjórn Fjallabyggðar mætti taka sér til fyrirmyndar þ.e. lækkun launa yfirmanna. Er ánægð með að minn maður, formaður bæjarráðs Árborgar, skuli eiga aðild að lækkun uppá 350 þúsund á mánuði vegna launa bæjarstjóra. Það er ýmislegt hægt að gera fyrir slíka peninga.

Laun og bifreiðakostnaður bæjarstjóra lækka um 350 þúsund í Árborg

Kryddsíldin

Er að hlusta á kryddsíldina með öðru eyranu og hef gaman af. Þeir reyna mikið að fá Steingrím til að segja hver á að vera forsætisráðherra ef vinstri stjórn verður mynduð.

Það gengur illa að fá svona menn til að átta sig á því að pólitík snýst ekki um stóla heldur um málefni. Það hefur nefnilega verið svo undanfarin allt of mörg ár að stólarnir eru það sem skiptir máli hjá núverandi ríkisstjórn en ekki málefnin sem þjóðin taldi sig hafa kosið.

Gott samfélag byggt á velferð allra, ekki sumra, er það sem við VG viljum sjá eftir næstu kosningar.

Ekki aukið bil milli ríkra og fátækra, embætti veitt eftir pólitík, mikla verðbólgu - þar sem virtir aðilar vara við ástandinu en ríkisstjórnin slær höfðinu við steininn og umhverfi og náttúra er einnota.

Nú reyna forkólfar ríkisstjórnarinnar, Geir og Jón að bjarga sér fyrir horn með því að segja að ekki verði byggð önnur Kárahnjúkavirkjun en virkja má nú hér og það samt sem áður.

Ekki láta blekkjast kæru kjósendur enn og aftur. Þeir eru uppfullir af kosningaklisjum nú og vona að kjósendur gleypi það hrátt.

En við viljum breytingar í vor og þurfum að fella þessa ríkisstjórn.

Gleðilegt ár

 

Þessi ríkisstjórn

Sama gamla þreytta hugsunin hjá ríkisstjórn sem ber hausnum við steininn í flestum málum. Ekki vilja þeir funda í samgöngunefnd að beiðni Jóns Bjarna og fjalla um þá miklu skerðingu á þjónustu sem verður nú um áramótin þegar enn og aftur á að einkavæða og Flugstoðir verða að veruleika. Ekki taka mark á flestum sem við þessa þjónustu starfar, nei við ætlum að einkavæða enda erum við Sjálfstæðisflokkur og Framsókn og við hverju öðru er að búast úr þeirra ranni.

Þessi breyting ríkisstjórnarinnar sem allt vill einkavæða átti að kosta 30 milljónir er nú er ljóst að ef flugumferðarstjórar nýta biðlaunarétt sinn hleypur þessi kostnaður á þriðjahundrað milljón króna takk fyrir - segi það og skrifa. Hver segir svo að það borgi sig ekki að einkavæða. Við köllum það stundum OHF.

Mér finnst það frábært hjá hinum þverpólitísku samtökum Sól í Straumi að skila Rannveigu Rist disknum sem Alcan sendi Hafnfirðingum fyrir jólin. Þau pökkuðu þeim meira að segja inn í álpappír. Flott hjá þeim að láta ekki fyrirtækið "kaupa" sig svona. Þetta er ómálefnalegt og í engu sæmandi fyrir fyrirtækið að gera svona og nota til þess virtan tónlistarmann Hafnfirðinga.

Listinn

Svona lítur listinn út sem kjördæmisþingið samþykkti í dag.

1.   Steingrímur J. Sigfússon, alþingismaður

2.   Þuríður Backman, alþingismaður

3.   Björn Valur Gíslason, sjómaður Fjallabyggð

4.   Dýrleif Skjóldal, sundþjálfari Akureyri

5.   Ingibjörg Hjartardóttir, rithöfundur Dalvíkurbyggð

6.   Jóhanna Gísladóttir, skólastjóri Seyðisfirði

7.   Jón Kristófer Arnarson, garðyrkjufræðingur Akureyri

8.   Klara Sigurðardóttir, skrifstofumaður Akureyri

9.   Þórunn Ólafsdóttir, nemi Fáskrúðsfirði

10. Berglind Hauksdóttir, nemi Húsavík

11. Ásmundur Páll Hjaltason, vélamaður Neskaupstað

12. Marie Th. Robin, bóndi Vopnafirði

13. Þorsteinn Bergsson, bóndi Fljótsdalshéraði

14. Finnur Dellsén, nemi Akureyri

15. Ríkey Sigurbjörnsdóttir, aðstoðarskólastjóri Fjallabyggð

16. Ásbjörn Björgvinsson, forsöðumaður Húsavík

17. Jan Eric Jessen, nemi Akueryri

18. Hlynur Hallsson, myndlistarmaður Akureyri

19. Guðmundur Sigurjónsson, verkamaður Neskaupstað

20. Málmfríður Sigurðardóttir, fv. alþingismaður

Kjördæmisþing

Í dag er kjördæmisþing Vinstri grænna á hótel KEA á Akureyri og hefst kl. 14. Fram verður lögð tillaga forvalsnefndar að lista VG til Alþingiskosninga næsta vor.

Sem formaður kjördæmisráðs og varaþingmaður vona ég að listinn, sem ég tel vera sigurstranglegan, verði samþykktur af félagsmönnum og við sópum að okkur fylgi í vor.

Nýtt og gamalt í bland

Sérdeilis flott forval hjá Vinstri grænum á Reykjavíkursvæðinu. Þingmenningarnir fá mjög góða staðfestingu á sínum störfum með slíku endurkjöri auk þess sem Kata varaformaður fær frábæra kosningu.

Nýjir aðilar eru svo í sætunum þar á eftir ásamt Álfheiði Inga sem er búin að vera varaþingmaður og fær mjög góða kosningu.

Það var áhugavert viðtalið við Álfheiði, Guðbjörgu og Gest Svavars í Silfrinu áðan. Gestur sagði þar að hann teldi að ekki ætti að færa sig til vegna kynjakvóta þar sem karlar ættu ekkert erfitt uppdráttar í pólitík.

Hálfnað er verk þá hafið er og nú þarf forvalsnefndin að leggjast yfir og setja saman þrjá lista sem síðan verða bornir undir kjördæmisráðin.