Eyþing og sitthvað fleira

Jæja langt um liðið síðan síðast enda að vanda mikið um að vera hjá mér og mínum.

Hef verið í hinum ýmsu verkum og nú síðast á aðalfundi Eyþings sem haldinn var á Raufarhöfn. Ég sat slíkan fund í fyrsta skipti og fannst margt áhugavert sem þar kom fram. Smári Geirsson var með athyglisverðan fyrirlestur um ESB og sveitarstjórnarmál og sýndist mér margt koma hinum misreyndu sveitarstjórnarmönnum á óvart. Hann tók fyrir í restina einn fund hjá byggðaráði Norður-Þing og sýndi svart á hvítu tengslin.

Nú Valdimar, heilbrigðisfulltrúi fór ásamt Þóru Ákadóttur yfir starfsemi Heilbrigðiseftirlits Eyjafjarðar og var með sláandi tölur um örverumyndun í mat sem og margt annað áhugavert.

Við lentum í ferlegu veðri á leiðinni heim 18 m. á sek. þegar við fórum fyrir Tjörnesið og skafrenningur. Veðrið var leiðinlegt alveg til Húsavíkur krapi og þessháttar sem betur fer vorum við á vel útbúnum bíl. Á Húsavík var nánast allt rafmagnslaust, Shell sjoppan, Heilbrigðisstofnunin og löggan höfðu rafmagn og sagði okkur starfsstúlka í sjoppunni, sem er pínu lítil, að þær væru búnar að selja yfir 1000 pylsur þann daginn.

Ég fór snemma í háttinn í gær enda vöknuð kl. 6 bæði á föstudagsmorgun og laugardagsmorgun, svaf eins og engill fram undir kl. 8 í morgun. Fór með hundana mína í göngu fram sveitina í dýrlegu veðri en ég vil gjarnan sjá snjóinn hverfa - er ekki tilbúin í hann ennþá.

                          

         Indý og Mirra                                                                   Sunna

Seinnipartinn var svo stjórnarfundur hjá Slysó og síðan fór ég í kirkjuna á tónleika hjá Kirkjukórnum. Þau ætluðu að vera á Sigló í dag en því var aflýst þar sem Lágheiðin var ófær fram eftir degi að mér skilst.

Glápti á fínan þátt með Glenn Close áðan og nú er kominn tími á pottinn fyrir háttinn.

Athugasemdir

[Bjarkey (IP-tala skráð) 8.10.2007 kl. 20:53]

Segðu maður er stundum frekar fljótur var að ræða Langanesið á leiðinni svo það brennur stundum fyrir hjá manni. Hvernig gengur annars?

[Helga Dögg (IP-tala skráð) 10.10.2007 kl. 20:00]

Sæl.

Les og fylgist með atinu í þér. Sammála þér með aðalfund BKNE, á honum geta kennarar komið því áleiðis sem þeir vilja til KÍ og því synd að þeir mæta ekki betur. Ó já einn fundur á ári getur varla borið nokkurn mann ofurliði.

Svo snjórinn hefur fallið í Ólafsfirði, fy fan vonandi er langt í að hann falli hér á Akureyri. Eftir áramót er ágætis tími og þvi skemur sem snjór liggur yfir öllu því betra.

Sæl að sinni, Helga Dögg

[Gísli Baldvinsson (IP-tala skráð) 11.10.2007 kl. 11:57]

Þekki vel þæfingin um Tjörnesið. Það er spotti á milli enda í þessu kjördæmi eða 711 km. Eigum við ekki að laga þessa kjördæmaskipan? kv gb

[Bjarkey Gunnarsdóttir, 14.10.2007 kl. 09:05]

Jú Gísli ég væri tilbúin að skoða þessa kjördæmaskipan, finnst hún alveg ómöguleg.

Kveðja,